(With acknowledgment to Tom Leonard)
Some cairry-oan
in the toon this year
The centenury i the galiday
Huh
Fat loat A care
Nivver goat oanu lorry yit
Aye hudti go in the walk
Worse nur that
Nivver goat ti be u fairy
Ut the skil
the heidmaister cum inti the room
n aw the lassies hudti go oot
oanti the flair
furti git pickt
‘Margaret n Mary,’
siz he richt aff the sneck
afore wud even goat uz
faur uz the fronti the class –
she sut aside me
n we wur baith big –
‘Margaret n Mary back ti thur sates’
an that wus oor gas inu peep
Whit’s mair
when it cum hur turn
ma sister goat ti be wan
n shid nae front teeth
ut the time tae
Wuv u photy i ur
oan the back green
wi ur wand n everythin
Naw
Hunner years ur nae hunner years
They kin git oanwi it